Analisti politik Qenan Aliu përmes një statusi të fundit ka komentuar ngjarjet e ditës së djeshme kur në rastin ‘Titanik2’ u dënuan ish anëtari i KSHZ-së nga rradhët e PDSH-së Bedredin Ibrahimi si dhe lideri i kësaj partie Menduh Thaçi si dhe disa të tjerë pikërisht për këtë rast, shkruan Zhurnal.mk
Aliu mes tjerave shkruan se duke mos i pasur në dijeni të gjithë provat përveç bombave të publikuara por thotë se nëse Thaçi dhe Ibrahimi mund të kenë lënduar demokracinë, atëherë Talat Xhaferi me trukun e tij në kuvend ashqiare për hatër të dikujt e ka shkë***er drejtësinë.
“Nuk i kam në dijeni të gjitha provat, përveç “bombës” së publikuar. Andaj, ndonëse Menduh Thaçi dhe Bedredin Ibrahimi mund edhe ta kishin lënduar Demokracinë, por Talat Xhaferi me TRUKUN e tij ashiqare në Kuvend, për hatër të Veljanovskit dhe Dimovit jo vetëm se e lëndoi Demokracinë por edhe e SHKË..EU Drejtësinë”, shkruan kështu Aliu.
Në komentin e tij për ngjarjet e djeshme në gjykatë Aliu thotë se disa gjëra duken të pakuptimta pasiqë pa përgjegjësinë e të gjithëve Thaçi dhe Ibrahimi janë birat e fundit të kavallit.
“Çuditërisht, disa gjëra edhe kur shpërfaqen me vërtetësinë e tyre duken të pa kuptimta, nga ajo që ka kapluar tymnaja e shkaktuar nga të tjerët. Pa përgjegjësinë e të gjithëve Thaçi dhe Ibrahimi janë birat e fundit të kavallit”, komenton kështu analisti Qenan Aliu.
