Tamara Todevska është këngëtarja që për herë të dytë do të ngjitet në skenë në “Eurovision 2019”, pas përvojës në vitin 2008.
Kësaj here, këngëtarja maqedonase do ta përfaqësojë Maqedoninë me këngën e titulluar “Proud”, që në vete përmban mesazhe mjaftë të fuqishme dhe inspiruesëse për vajzat.
“Proud” është kompozuar nga Robert Bilbilov, Lazar Cvetkovski dhe Darko Dimitrov, ndërsa vargjet e këngës janë shkruar nga Kosta Petrov dhe Sanja Popovska. Regjisor i videos muzikore është Cedo Popovski.
Në klipin e këngës marrin pjesë personazhe të njohura nga bota e medias dhe muzikës nga Maqedonia.
Përndryshe, “Eurovision”-i këtë vit do të mbahet në Izrael në datat 14, 16 dhe 18 maj, në Tel Aviv.
