Ndërprerja e procesit mësimor për nxënësit e shkollave të Kosovës dhe për studentët e universiteteve dhe kolegjeve private, është njëra nga masat që janë shpallur nga institucionet e vendit për shkak të coronavirusit.
Por, në këtë mes dizajnuesit e platformës Scooler – e cila është një hapësirë virtuale që lidhë në mes vete mësimdhënësit me nxënësit, e kanë ofruar për Ministrinë e Arsimit falas atë.
Njëri nga krijuesit e platformës, Egzon Kelmendi e ka bërë këtë të ditur në profilin e tij në Facebook.
Ai ka thënë se situatë në të cilën ndodhet vendi, veçanërisht institucionet arsimore, në kohën kur po e kalojmë pandeminë e Covid 19, po synojnë që të ndikojnë në procesin mësimor përmes platformës së tyre:
Më poshtë mund ta lexoni postimin e Kelmendit:
Gjendemi para një situate në të cilën secili prej nesh duhet të jap kontributin e tij/saj në mënyrë që të kalojmë sa më lehtë pandemine COVID-19.
Lehtësimi i të mësuarit online është mision i Scooler, që nga viti 2017. Për këto tri vite ne kemi zhvilluar module që mundësojnë krijimin e klasave virtuale dhe komunikimin në mes studentëve, mësimdhënësve dhe prindërve.
Sot, bashkë me ekipin tonë, kemi vendosur që ta mbështesim Ministrinë e Arsimit, duke i dhënë në shfrytëzim falas platformën Scooler, në mënyrë që të vazhdojë mësimi, në këtë rast online.
Scooler është institucion digjital me qëllimin për të ndërtuar kampusin më të madh virtual për një bashkëpunim dhe komunikim më të lehtë mes studentëve dhe mësimdhënësve në Kosovë, Shqipëri dhe rajon.
Për të kuptuar më shumë, lexo KËTU
