Lidhja Demokratike e Kosovës së bashku me AAK-Nismën kanë rënë dakord për themelin e Qeverisë së re të Kosovës.
Por, pjesë e kësaj Qeverie nuk pritet të jetë Aleanca Kosova e re. Këtë e ka konfirmuar Këshilltari i kreut të AKR-së Behgjet Pacolli, Naim Murseli.
Ai ka thënë se AKR-ja do të vazhdoj të jetë opozitë.
“AKR nuk do të jetë pjesë e “Qeverisë Hoti”. Do të vazhdoj të qëndron në opozitë”, ka thënë Murseli.
Në një prononcim për gazetën “Bota sot”, Murseli ka deklaruar se AKR nuk ka diskutuar për poste apo oferta.
Për më tepër, ai shton se nuk është koha e duhur për të qenë pjesë e ndonjë Qeverie.
“AKR nuk ka diskutuar për poste apo oferta, por dëshiron të vazhdoj në opozitë, gjithmonë konstruktiv, dhe nuk beson qe është koha e duhur për të qenë pjesë e ndonjë Qeverie”, ka thënë Murseli për “Bota sot”./Botasot
