Kina – qendra e pandemisë – nuk regjistroi ndonjë rast të ri të mërkurën për herë të parë që nga identifikimi i shpërthimit. Ndërsa gjithnjë e më shumë pacientë po shërohen, numri i rasteve aktive në vendin aziatik ra me 50% javën e kaluar.
Por fotografia është shumë e ndryshme në Evropë.
Në Itali, megjithë masat e karantinës dhe kufizimit shoqëror, numri i rasteve u rrit me 171%, krahasuar me 300% në Francë, 500% në Spanjë, 550% në Gjermani dhe 480% në Mbretërinë e Bashkuar, duke nënkuptuar që shpërthimi vazhdon të përhapet, shkruan The Telegraph.
Italia, pavarësisht se regjistroi shumë më pak raste të infektuar sesa në Kinë – 47.021 në krahasim me 80,000 – tani numëron vdekjet e saj për shkak të shpërthimit në 4.032, një numër më i lartë se ai i regjistruar nga Kina, 3.245.
Në Mbretërinë e Bashkuar, numri i vdekjeve nga sëmundja është dukshëm më i ulët: 177. Megjithatë, numri ditor i vdekjeve është në rritje dhe tejkalon në përqindje atë të Italisë.
Në vendin mesdhetar, numri më i lartë i vdekjeve në një ditë të vetme që nga fillimi i përhapjes së virusit u regjistrua të mërkurën: 475 vdekje. Ata regjistruan 425 të enjten, një rënie të vogël, përpara 627 këtë të premte.
Rasti i parë i vdekjes nga COVID-19 në territorin britanik u identifikua pesëmbëdhjetë ditë më parë, por që nga atëherë shkalla e vdekjes është më e shpejtë se ajo italiane.
Pas mbi dhjetë vdekjeve, numri i përditshëm i viktimave në Itali filloi të rritet 35% çdo ditë, javën e kaluar ka rënë në nën 20 për qind dhe këtë të premte ai kërceu 46% .
