Microsoft ka arritur vlerën e saj 3 trilion dollarë të premten dhe tejkaloi Apple si kompaninë publike më të vlefshme në botë për nga kapitalizimi i tregut.
Çmimi i aksioneve të kompanisë me bazë në shtetin e Uashingtonit po tregtohej me 405.97 dollarë për aksion për një fitim ditor prej 0.27% në orën 12:05, në bursën e Nju Jorkut kur kapitali i tregut të kompanisë ishte 3.02 trilion dollarë.
Çmimi i aksioneve të Apple ishte 193.94 dollarë për aksion në atë kohë, me një humbje ditore 0.12%, ndërsa vlera e saj në treg ishte 3 trilion dollarë.
Kjo është hera e tretë që vlera e Microsoft tejkalon Apple pas së mërkurës dhe më 12 janar, por të dyja rastet ndodhën shumë shkurt.
Në orën 12.15, çmimi i aksioneve të Apple ra më tej në 193.74 dollarë për aksion, duke e zgjeruar humbjen e saj ditore në 0.22%. Aksionet e Microsoft tregtoheshin me 405.89 dollarë për aksion me një fitim prej 0.25% në atë kohë.
Për më pak se një muaj, Microsoft kishte çmimin e aksioneve në rritje pothuajse 8 për qind qe nga fillimi i këtij viti, pasi investitorët i shohin iniciativat dhe investimet e tij gjeneruese të inteligjencës artificiale si premtuese.
Apple, ndërkohë, fitoi vendin e parë në tregun e telefonave të zgjuar në Kinë për herë të parë në vitin 2023, sipas një raporti të enjten.
Kompania me bazë në Kaliforni kishte një pjesë rekorde të tregut prej 17.3% vitin e kaluar në tregun më të madh në botë të telefonave të zgjuar, njoftoi International Data Corporation.
