Janë ngritur 47 kallëzime penale ndaj personave që në 24 orët e fundit nuk kanë respektuar masat e Qeverisë për parandalim të përhapjes së virusit korona. Policia ka kontrolluar 941 persona në izolimi dhe 2.752 në vet izolim.
“Policët në inspektimet e personave në izolim dhe vet izolim zbuluan se në dy raste të ndryshme, dy persona në vet izolim nuk u gjetën në shtëpinë e tyre. Masën për qarkullim gjatë 24 orëve të fundit në të gjithë vendin nuk e kanë respektuar 47 persona. Ndërsa 17 persona të tjerët janë arrestuar dhe për pjesën tjetër janë hartuar procesverbale – njoftojnë nga MPB-ja.
Për herë të parë nga vendosja e orës policore në Tetovë dhe Gostivar mbrëmë policia nuk ka regjistruar shkelje të kufizimit të lëvizjes.
“Numri i tërësishëm i personave të mbajtur në karantinë shtetërore në këtë rajon arrin 209. Për momentin në rajonin e njëjtë ka 182 njerëz me deklarata të nënshkruara për vet izolim – thonë nga SPB Tetovë.
Gjykata Themelore-Strumicë ka shqiptuar dënime me nga 3 mijë euro dhjetë qytetarëve të cilët nuk kanë respektuar kufizimin e lëvizjes.
“Prokuroria Themelore Publike-Strumicë ka propozuar 13 akuza për mosrespektim të rekomandimeve gjatë kohës së epidemisë, që është e dënueshme sipas Nenit 206 Alineja 1 nga Ligji Penal. Gjykata ka pranuar propozimin e Prokurorisë dhe 13 qytetareve të Strumicës u është shqiptuar dënimi në vlerë prej 3 mijë euro për secilin prej tyre – thonë nga Prokuroria Themelore Publike-Strumicë.
Për dallim nga 24 orët e fundit, paraprakisht 89 persona e kishin shkelur orën policore.
