Gjatë 24 orëve të fundit janë konfirmuar 28 raste të reja me COVID19 në Shqipëri në mesin e tyre është edhe një fëmijë.
Në konferencë për medie, shefja e Institutit të Shëndetit Publik, Albana Fico bëri më dije se në total janë 361 raste të infektuar në vend.
Në të gjithë Shqipërinë, Fico bëri me dije se janë shëruar 104 persona me nga Coronavirusi, ndërsa kanë ndërruar jetë 20 persona.
“Deri në këto momente janë testuar 2,396 raste të dyshuara me COVID19 dhe prej tyre janë të konfirmuar pozitivë 361 raste. Mosha mesatare e rasteve pozitive me COVID19 është 50 vjeç”, tha ajo.
