Kancelarja gjermane, Angela Merkel, ka zgjatur masat e bllokimit, deri pas festave të Pashkëve.
Sipas mediave të huaja, përcjell Telegrafi, ajo ka deklaruar se është ende herët për t’i hequr masat e distancimit shoqëror, ndërsa këshilloi njerëzit që përgjithësisht të ndalojnë vizitat tek të afërmit deri më 19 prill.
Megjithëse Merkel nuk ka pranuar të vendosë Gjermaninë në një bllokim të plotë, vendet e tjera evropiane kanë “shtrirë” masa të rrepta, duke ndaluar edhe mbledhjen e më shumë se dy personave.
Ajo tutje është shprehur se do të kërkojë këshilla të mëtutjeshme shkencore për lehtësimin e kufizimeve aktuale më 14 prill.
Kujtojmë se numri i të infektuarve nga coronavirusi në Gjermani është rritur në 73 mijë, duke rezultuar me 16 mijë persona të shëruar, ndërsa 802 të tjerë kanë ndërruar jetë.
