Që nga shpërthimit i pandemisë së coronavirusit, nuk është kursyer askush prej tij duke filluar nga qytetarët e rëndomtë, shkencëtarët, sportistët e madje edhe politikanët, e në mesin e tyre është edhe politikani spanjoll Javier Solana.
Gjatë muajit të kaluar ishte raportuar se Solana ka rezultuar pozitiv në testin e COVID-19, ndërsa në një postim të publikuar sot në profilin e tij në Twitter, ka shkruar se po ndihet mirë pavarësisht se është në spital.
“Po e filloj ditën time të 30-të në spital. Kush do ta mendonte këtë, por ndihem shumë mirë”, ka shkruar ai në profilin e tij, duke ua bërë të qartë të gjithëve se gjendja e tij shëndetësore është stabile.
