Ministri i Shëndetësisë, Venko Filipçe në konferencën e sotme për shtyp njoftoi se gjatë ditës së djeshme me propozim të autoriteteve shëndetësore, qeveria ka miratuar masën e re ku ndalohet grupimi i më shumë se katër personave brenda edhe gjatë ditës.
“Dje kemi propozuar edhe disa masa, të cilat qeveria i pranoi, kjo është restrikcioni për grupim të më shumë se katër personave, gjatë natës dhe ditës, normalisht me përjashtime, si ngjarje dhe vende ku ka protokolle”, pohoi ministri Filipçe.
I pyetur nëse po mendojnë për vendosjen e orës policore gjatë vikendit ministri Filipçe tha se për momentin nuk ka një propozim të tillë nga autoritetet shëndetësore.
