Polonia ka raportuar edhe 2.367 raste të reja dhe 34 te vdekur me koronavirus në 24 orët e fundit.
Ky është numri më i lartë që nga fillimi i pandemisë, thuhet sipas Ministrisë së Shëndetësisë së këtij vendi.
Polonia që nga përhapja e COVID-19 e deri më tani numëron rreth 98 mijë raste dhe 2.604 vdekje, përcjell BBC, transmeton Klan Kosova.
Nga e shtuna, polakët që udhëtojnë në Britaninë e Madhe duke mos përfshirë drejtuesit e mallrave, punëtorët sezonalë të bujqësisë dhe punonjësit shëndetësorë do të duhet të izolohen për 14 ditë.
Kjo gjithashtu do ta bëjë jetën më të vështirë për 900 mijë polakët që jetojnë në Mbretërinë e Bashkuar, nëse ata udhëtojnë përsëri në Poloni, atyre do t’u duhet të karantinohen kur të kthehen në vend.
