Shqipëria ashtu sikurse të gjitha vendet e botës është duke u përballur me pandeminë e coronavirusit.
Numri i të prekurve nga ky virus në Shqipëri ka shkuar në 277, të shëruar janë 76 kurse 16 të tjerë kanë humbur jetën.
E në luftën ndaj kësaj pandemie, kryeministri Edi Rama bëri të ditur se në spitalin universitar “Shefqet Ndroqi”, kanë arritur pesë respiratorë të tjerë.
Rama përmes një postimi në Facebook, ka thënë se kjo është pjesë e financimit të Qeverisë shqiptare prej 54 respiratorësh të rinj, që do të forcojnë rezervën e kapaciteteve për terapi intensive në përballje me Covid-19.
